Посета на планетариум

Јас и моето оделение заедно со наставничката бевме во посета на планетариум. Причината за таа посета беше проектот што го правевме на тема планети и соѕвездија. Таму кога дојдовме влеговме во една просторија на која таванот наместо обична форма имаше форма на купола. Кога го прашавме чичкото што работеше таму зашто е тоа така, тој ни рече дека така е направен за полесно работење и гледање на ѕвездите. Седнавме и започна презентацијата. Тој ни кажуваше за положбата на сонцето, како да ја пронајдеме големата мечка, орион и северница. Исто така ни кажуваше како се добиени имињата на ѕвездите и слично. Ни кажа за редот на планетите и нивните карактеристики. Мене многу ми се допадна оваа посета а се надевам и на моите другарчиња. Тука дознав за многу работи што ме интересираа. Овој човек ми помогна да сватам многу работи, грешните мислења да ги променам со точни и многу друго.